Convocatoria Febreiro 2020: para mobilidades até setembro 2020

Programa ERASMUS+ KA101: Mobilidade das persoas por motivos de aprendizaxe

 

Título do proxecto

“As actividades prácticas nas materias STEAM en proxectos interdisciplinares como medio integrador e motivador do alumnado en risco de abandono escolar“

 

Actividades:   Cursos de formación estruturada / Aprendizaxe por observación

 

Lugar das mobilidades:  Unión Europea

​

Duración do proxecto: 31/12/2019  ao  30/12/2021

​

Dirixido a:

-        Profesorado Ensino Secundario (ESO e Bacharelato) que imparta materias das áreas científico-tecnolóxicas.

​

Presentación da solicitude:

-        Prazo: até xoves 20 de febreiro de 2020

-        Lugar: formulario on line nesta ligazón

 

Máis info:

Reunión informativa: Venres 14 de febrero, 11:30, Lab. de Física

Ou clica aquí

Ou http://erasmuspolitecnico.wixsite.com/erasmuspolitecnico

​Ou na web do Politécnico

 

Requisitos para participar:

-        Profesorado de ESO e Bacharelato con destino definitivo no centro.

-        Presentar a solicitude on line dentro do prazo da convocatoria.

-        Priorizarase ao profesorado de materias STEAM. Poderá participar profesorado doutras áreas sempre que estea xustificado para a consecución dos obxectivos do proxecto.

-        Xustificar o suficiente dominio na lingua a empregar na mobilidade.

 

Resolución:

-        Listaxe provisorio de bolsas concedidas: venres 28 de febreiro de 2020

-        Presentación de reclamacións: durante os cinco días seguintes á publicación da listaxe provisoria

-        Resolución das reclamacións e listaxe definitiva de mobilidades concedidas: a partir do terceiro día lectivo logo do remate do periodo de reclamacións

 

Obxectivos principais e xustificación:

O obxectivo principal deste proxecto é motivar ao alumnado en xeral e moi especialmente ao alumnado en risco de abandono académico e involucralo no estudo de maneira activa e non como mero receptor de información, de modo que se comprometa no seu propio proceso de aprendizaxe.

​

Baseamos a necesidade deste proxecto en que a emoción é o motor da aprendizaxe e coas actividades seleccionadas pretendemos:

-        Ampliar os nosos coñecementos en neurociencia educativa, intelixencias múltiples e emocións co obxectivo de ampliar a nosa formación como educadores para aplicalos a actividades prácticas de materias STEAM, e enfrontarnos ao reto de motivar ao alumnado en xeral e moi especialmente ao alumnado en risco de abandono académico.

-        Aplicar os coñecementos adquiridos en  metodoloxías activas baseadas na neurociencia educativa, intelixencias múltiples  emocións para diseñar actividades prácticas innovadoras e atractivas nas materias STEAM, para incrementar a motivación do alumnado, a súa participación e desenvolvemento persoal, animándoos a continuar a súa educación para acabar a educación secundaria.

-        Involucrar  ao profesorado do centro en proxectos interdisciplinares desde as materias STEAM.

-        Implicar a toda a comunidade educativa desde as materias STEAM, xa que as actividades prácticas atractivas poden motivar ao alumnado para implicarse na súa realización e enganchalos ao estudo e ao coñecemento, tanto nas materias STEAM como nas sociolingüísticas.

​

​

​

​